Индонезиското Министерство за трговија и индустрија најави дека ќе воведе дополнителен данок на луксуз за сите увозни мобилни телефони.
Тоа значи дека покрај сегашниот ДДВ од 19 отсто, купувачите на мобилни телефони произведени надвор од Индонезија ќе треба да платат дополнителни 30 проценти од продажната цена.
Покачувањето на данокот се прави за да се заштитат четирите домашни компании за производство на мобилни телефони, чии производи малку се продаваат. Само во минатата година Индонезијците купиле над 60 милиони увозни апарати, од кои половината во продажба чинеле над 400 долари.
Конечната одлука за воведувањето и висината на данокот на луксуз за мобилните телефони сегашната Влада ќе го донесе до крајот на својот мандат, кој истекува во септември годинава.
