Градот на Босфор се најде на врвот на листата на Топ 10 најдобри туристички дестинации во светот, избрани од ,,Travellers Choise Destinations Awards”.
Ниту Париз, ниту Њујорк, најдобра дестинација е Истанбул
Турскиот Мегаполис , магичниот Истанбул, никогаш порано не фигурираше на овој список составен врз основа на гласовите на посетителите на водечката светска веб-страна за патување, ,,TripAdvisor”.
На второ место е Рим. ,,Вечниот град” оваа година напредуваше за две позиции и го зазема местото на Њујорк, кој едноставно беше исфрлен од листата. Само Лондон успеа да ја задржи минатогодишната, трета позиција.
Четврт е Пекинг, петти е Прага, па потоа следат Маракеш, Париз, Ханој, Сијам Реап(Камбоџа) и Шангај.
Оваа година ниеден американски град не се најде на листата на Топ 10 најдобри дестинации.
Освен Њујорк, и Сан Франциско го нема на листата.
Аврстралија се придружи на таборот на губитници, бидејки и Сиднеј кој лани беше десети, испадна од листата.