Индустриското производство во Германија во февруари се зголемило за 0,4 проценти, соопшти германското Министерство за економија.
Забележаниот раст ги надмина очекувањата на експертите кои очекуваа раст од 0,3 проценти.
Индустриските нарачки се поголеми, а економистите оценуваат дека германската економија добива на интензитет по разочарувачкиот почеток на четвртиот квартал од минатата година.
Германија, како најголема економска сила во Европа, самата на себе си постави цел да го намали јавниот долг на 69 проценти од БДП до 2017 година.
Според Европскиот Пакт за стабилност, земјите имаат рок до 2020 година јавниот долг да го намалат на 60 проценти од БДП, колку што дозволуваат правилата на Унијата.
