Либиските бунтовници, кои контролираа четири нафтени пристаништа, постигнаа договор со Владата во Триполи за прекин на осуммесечната нафтена блокада.
Пристаништата Звејтина и Харига, што се под контрола на бунтовниците кои бараат автономија од Триполи, ќе бидат веднаш отворени, додека поголемите пристаништа Рас Лануф и Ес Сидер ќе бидат ослободени во рок од две до четири недели по дополнителни преговори, соопшти Владата.
Од Звејтина и Харига се пренесуваа околу 200.000 барели нафта дневно, додека од поголемите пристаништа се превезуваа по околу 500.000 барели дневно сурова нафта.
