Расипан банкомат во американската држава Мејн, му исплатил 37 илјади долари на човек кој се обидел да извади 140 долари, според американските медиуми.
Од полицијата во Јужен Портланд, соопштиле дека добиле информација од некоја жена, која рекла дека некој човек премногу долго време стои пред банкоматот. Полицајците го пронашле како ги става парите во торба.
Парите се вратени во банката а нејзините клиенти изјавиле дека не планираат да го пријават несудениот богаташ.
Сепак, полициската истрага продолжува, но против човекот нема сеуште никакво обвинение.
