Шефицата на ММФ – Кристин Лагард смета дека украинската економија би пропаднала уште пред неколку месеци доколку Русија не и пружила помош.
„Украинската економија тргна кон катастрофа. Без помошта која Русија и ја пружи на Украина, таа земја не би имала излез“, наведе Лагард.
На крајот на минатата година Русија одлучи да инвестира во украинските еврообврзници 15 милијарди долари и веќе во декември ја купи првата транша хартии од вредност во износ од три милијарди долари.
Тогаш беше постигнат и договор за попуст на гасот за Украина за околу една третина од договорената цена – потсетуваат медиумите.