Украина оваа година се надева на надворешна помош од 13 милијарди долари од Меѓународниот монетарен фонд (ММФ), изјави денес министерот за финансии Олександер Шлапак.
„Можна е надворешна помош од 13 милијарди долари оваа година“, изјави Шлапак за новинарите.
Тој додаде дека очекува седум милијарди долари од ММФ, а останатиот дел од донаторски конференции од останатите доверители.
Тој додаде дека оваа сума на пари е неопходна со цел Украина повторно да „застане на нозе“ и да може да ги сервисира редовно своите долгови, во спротивно ситуацијата во неговата земја ќе се влоши, а не е исклучена и можноста за банкрот.
