Русија треба да го преиспита учеството во светската економија, изјави денеска рускиот премиер Дмитриј Медведев на седницата на 15. Априлска меѓународна научна конференција „Модернизација на економијата и општеството“.
Како што јави ИТАР-ТАСС, тој истакна дека Русија треба активно да ја развива и евроазиската интеграција.
– Соработката во тие насоки доста успешно се одвива, според предвиденото, но има и извесни препреки. Но, проектот сепак има добри перспективи и потенцијал, посочи Медведев.
Тој наведе и дека не треба да страдаат економските односи на Русија со Европа и со САД поради „политичките амбиции и предрасуди“ за украинската криза.
Економските интереси не треба да станат жртва на политичките предрасуди, истакна Медведев на прес-конференција посветена на инвестициите.