Невработеноста во 18 земји членки на еврозоната според официјалните показатели во февруари останала на нивото блиску до неодамна постигнатиот рекорд.
Заводот за статистика на Европската унија, Еуростат соопшти дека стапката на невработеност изнесувала 11,9 проценти, процент кој остана непроменет уште од октомври. Во текот на минатата година оваа стапка дојде до нивото од 12,1 проценти.
Според податоците на Еуростат, во земјите на Европската унија во февруари имало 25,9 милиони невработени лица, но околу 65,000 лица пронашле нова работа во текот на тој месец.
Сепак, вкупниот број на невработени бележи пад на годишно ниво за 785,000 благодарение на економското закрепнување на некои држави кои најтешко беа погодени од кризата.
