Кипар денес го укина ограничувањето за максималниот износ на готовина кој можеше да се подигне од банкарските сметки, една година по воведувањето на контрола на капиталот за да се спречи одлив на готовината, во согласност со барањата на меѓународните кредитори.
Во декретот кој го издаде Министерството за финансии укинато е ограничувањето од 300 евра по лице на ден, заедно со забраната за предвремено подигнување на орочените депозити под фиксна камата.
Според овој декрет, поединци можат да отворат банкарски сметки во други финансиски институции.