„All Nippon Airways“ (ANA) соопшти дека ќе купи 77 нови авиони во вредност од 16,4 милијарди долари.
Авиокомпанијата ќе купи 40 авиони од „Боинг“ и 30 од „Ербас“, се со цел да опфати повеќе патници околу Олимпијадата во Токио во 2020-та година. Раководството потврди дека ќе бидат купени 14 авиони „Боинг“ од модел „Дримлајнер“, 20 од „777 – Х“ и шест од „777 – 300ER“. „Ербас“ ќе биде претставен од 14 авиони од моделот „A320neo“, како и 23 летала „A321neo“. Нарачката ќе биде извршена меѓу 2016-та и 2027-та година , по што јапонската авиокомпанија ќе располага со 260 авиони.
Новите „Боинг“ авиони ќе бидат употребени за меѓународни летови, а авионите „Ербас“ ќе ги опфатат внатрешните и прекуокеанските дестинации.
Ова е најголемото купување на авиони во историјата на „ANA“. Шиничито Ито, претседателот и извршен директор на компанијата, соопшти дека изборот на авионите е направен врз основа на квалитетот на производот, а не според престижот на марката.