За време на интервјуто, говорот на телото е многу важен. Како да имате правилен говор на телото?
Човекот може да произведе: 700.000 знаци, 250.000 изрази на лице, 5.000 гестикулации со раце и 1.000 различни држења на телото. Околу 95% од пораките при комуникација се невербални. Првата импресија е базирана на: 7% од изговорените зборови, 38% од тонот на гласот и 55% од говорот на телото.
1. Ракување
Може многу да дознаете за некоја личност по начинот на ракување, затоа научете како првилно да се ракувате со нашите совети:
– Секогаш користете ја десната рака
– Бидете сигурни дека вашите дланки се суви
– Бидете цврсти и уверени при ракувањето
– Насмевнете се и имајте контакт со очите
Млитаво поздравување сугерира на слаб карактер. Додека, пак, “железен зафат” значи ароганција.
2. Држење на телото
Зрачете со самодоверба со правилно држење на телото.
– Немојте да бидете во опуштена положба на телото
– Седете исправени
– Избегнете прекрстување на рацете
– Не ги чувајте рацете во вашите џебови
Студиите покажуваат дека со вежбање на впечативи и моќни пози, пред почетокот на интевјуто, може да се намалат стрес хормоните за 20%. Ова најдобро се вежба во бањата или пред да се напушти домот, минимум 2 минути. Всушност, се намалува количината на лачење на Cortisol, а се зголемува лачењето на Testosterone, при што, според студиите, ги зголемува шансите на кандидатите да ја добијат работата за 22%.
3. Огледало
Повторувајќи ги движењата на интервјуерот, покажува емпатија и може да помогне за воспоставување на блискост. Суптилноста е важна, за да не примети интервјуерот дека го правите тоа.
4. Контакт со очите
Контактот со очи пренесува доверба и искреност.
– 2/3 од времето бидете насочени со погледот кон очите на интервјуерот
– 1/3 од времето може да гледате и на страна
Задржување на погледот кон интервјуерот подолго време, може да се сфати како агресивно и помалку морничаво.
5. Гестови
Користете отворени и експресивни гестови за полесно да го инволвирате интервјуерот во она што го зборите.
– Држете ги дланките горе и отворени што укажува на чесност
– Избегнете посочување или трескање со тупаници на работната маса за да се потенцира нешто
6. Ентузијазам
Изразете ја желбата за работното место низ говорот на тело.
– Покажете ентузијазам преку заинтересирани изрази
– Насмевнувајте се и правете позитивни гестови
– Бидете внимателни да не претерате
На крај, причекајте да се оддалечите доволно за да го изведете победничкиот танц J
Гоце Михајлоски, Агенција за привремени вработувања Анторис – www.antoris.com
