Австрискиот енергетски доставувач се соочува со денови на неизвесност, откако бугарскиот министер за енергетика побара од ќерката компанија на ЕВН во земјата да и исплати до утре 60 милиони евра на државната енергетска компанија НЕК, а во спротивно лиценцата на ЕВН во оваа земја и ќе биде одземена, менаџерскиот тим ќе биде протеран, а самата компанија ќе згасне, пишува австрискиот весник „Курур“.
Весникот нагласува дека министерот за енергетика Драгомир Стојнев изјавил оти дека ЕВН на НЕК и должи милиони. – Австријците одлучно го оспоруваат ова, одбиваат да ги исплатат парите и се во исчекување дали Владата во Софија ќе се осуди да пристапи кон национализација, посочува „Курир“.
– Економската причина на конфликтот е лесна за објаснување: Бугарија воведе во 2012 година финансиска помош за еколошките извори на енергија, кои доставувачите на струја треба претходно да ги финансираат. Затоа ЕВН Бугарија, како и другите двајца доставувачи на струја во земјата, чешкиот ЧЕЗ и Енерго-про им исплатија финансиска помош на соларните паркови и парковите со ветерници, управувани претежно од приватни бизнисмени.
– Владата вети дека НЕК ќе ги рефундира тие средства. Но парите од НЕК не дојдоа. Како резултат на тоа ЕВН Бугарија го стопираше плаќањето кон НЕК и се обрати кон арбитражен суд во Вашингтон, додава весникот.
Според портпаролот на НЕК Штефан Цах во меѓувреме во спорот со НЕК станува збор за вкупно 120 милиони евра, кои НЕК и ги должи на ЕВН. Во случај на одземање на лиценцата арбитражниот суд ќе треба да го разгледа и обесштетувањето на ЕВН. Тогаш тоа би можело скапо да ја чини Бугарија. Во 2005 година ЕВН го купи бугарскиот доставувач за 270 милионин евра и оттогаш инвестираше 600 милиони евра.
