Швајцарија оваа година би требало да забележи економски раст од два проценти, очекува ММФ.
Меѓународниот монетарен фонд ја поддржува економската политика на Швајцарија која во оваа година би требало да забележи економски раст од два проценти пред се благодарение на извозот, соопшти Министерството за финансии.
Перспективите за економскиот раст на Швајцарија се добри, а финансискиот и монетарниот сектор се стабилни, се наведува во годишниот извештај на ММФ.
ММФ и препорача на Швајцарија да го задржи сегашниот курс на франкот во однос на еврото.
Во извештајот, исто така се дава препорака до владата во Берн да продолжи со намалувањето на долгот на големите банки.