Кога се јавувате на конкурс за работа, вашата биографија е ваше огледало. Не постои совршено напишана биографија, но може да се каже дека тајната лежи во деталите кои ја прават разликата.
1. Јасна, прегледна и уредна
Визуелно добро сложената биографија и хронолошки подредените информации ја олеснуваат работата на потенцијалниот работодавец.
2. Оптимална должина
Без оглед на вашето работно искуство, немојте премногу да должите. Концентрирајте се на најважните информации за образованието и работното искуство кои се релевантни за позицијата на која се пријавувате.
3. Добра изработка на компјутер
Со оглед на тоа што повеќето пријави се испраќаат по електронски пат, внимавајте на форматот на документот, маргините, типот и големината на буквите и слични работи.
4. Внимавајте на јазикот
Користете разбирливи изрази и кратки реченици за информацијата која сакате да ја соопштите за себе за да биде јасна.
5. Без граматички грешки
Граматичките грешки оставаат впечаток на непрофесионалност, затоа прочитајте ја вашата биографија неколку пати за да избегнете граматички грешки или грешки за време на пишувањето.
