Кашкавалот помага во намалувањето на кариес, бидејќи ја неутрализира киселината во устата, тврдат резултатите од истражувањата.
Истражувачите открија дека ферментираните млечни производи ја прават усната шуплина повеќе алкална, со што се намалува потребата од стоматолошки интервенции. Исто така, кашкавалот создава и заштитен слој околу забите.
Колку pH нивото на површината на забите е повисоко, толку повеќе забите се заштитени од ерозијата која предизвикува кариес. Истражувачите сметаат дека конзумирањето на кашкавал ја зголемува количината на плунка во устата, што претставува природен начин на одржување на здраво pH ниво.
Кашкавалот ослободува хемиски соединенија кои формираат заштитен слој на забите, а тој штити од киселината која ја напаѓа глеѓта на забите.