Со одигрувањето на реванш осминафиналните натпревари синоќа познати се осумте екипи кои се пласираа во четвртфиналето од Лига Европа.
Наполи на нашиот Горан Пандев не успеа да избори четвртфинале откако одигра 2:2 дома со Порто.
Пандев беше стрелец на првиот гол за Наполи во 21. минута за водство од 1:0, но гостите потоа постигнаа два гола и со победата дома од 1:0 обезбедија пласман во следната рунда.
Во градскиот дуел Севиља го победи Бетис на реваншот на негов терен со 2:0 и со тоа ја анулира предноста на противникот од првиот дуел, а потоа по подоброто изведување пенали се пласира во следната фаза.
Голем успех постигна и Базел, откако со играч помалку играше повеќе од 70 минути и на гости го победи Салцбург со 2:1.
Овој натпревар поради неспортското навивање на гостинските навивачи беше во прекин околу 15 минути.
Преглед на резултатите: Анжи – АЗ 0:0 (0:1 вкупен резултат), Бенфика – Тотенхем 2:2 (5:3), Фиорентина – Јувентус 0:1 (1:2), Плзен – Олимпик Лион 2:1 (3:5), Валенсија – Лудогорец 1:0(4:0), Бетис – Севиља 0:2 (2:2 – 3:4 на пенали), Наполи – Порто 2:2 (2:3) и Салцбург – Базел 1:2(1:2).
Извлекувањето на двојките ќе се одржи денеска во Нион, а во конкуренција се следниве екипи: АЗ, Бенфика, Јувентус, Олимпик Лион, Валенсија, Севиља, Порто и Базел.