Владата на Порторико побара од граѓаните да испратат идеи за обнова на економијата, која е во рецесија веќе осум години.
Шефицата на администрацијата Ингрид Вила изјави дека граѓаните можат да достават „конкретни и остварливи“ предлози на нивниот веб сајт.
Таа изјави дека се добредојдени идеите за решавање на проблемот со одливот на обучените работници и сивата економија.
Владата основаше комисија која ќе ги проценува пристигнатите предлози и ќе препорачува да се реализираат оние кои ги исполнуваат критериумите на остварливост, еднаквост, социјална правда, одржливост и благосостојба за целата заедница.
Меѓу првите пристигнати идеи по започнатата акција за собирање на предлози од граѓаните, пристигнаа предлози за привлекување на странски инвеститори и изградба на станови кои би се продавале по пониски цени.
Вила изјави дека повеќе од 450.000 лица го напуштиле Порторико во последната деценија.
Порторико е територија на САД, оваа земја е во рецесија од 2006 година. Според официјалните податоци, стапката на невработеност е 15,2 проценти.