Вие сте на разговорот за работа, се се одвива како што треба, самодовербата ви расте, а вашиот соговорник наеднаш ве изненадува со прашањето – „Која е вашата најголема слабост“. Ако не сте се подготвиле добро, погрешниот одговор на ова прашање може да ги намали вашите шанси да ја добиете работата.
Бернард Мар, консултант и писател, ги објави своите совети како да одговорите на „најтешките прашања“ на интервјуто за работа.
На кратко, неговите совети се:
– Избегнете го одговорот во кој фокусот го ставате на вештините кои се потребни за таа работа и оние кои всушност ги имате.
– Зборувајте за неважни слабости, односно за оние кои не се важни за вашата работа.
– Не ги генерализирајте вашите слабости. На пример, не кажувајте „Сакам да шефувам“, туку кажете „Кога постои голем притисокот на проектот, понекогаш знам да се ставам во улога на шефување“.
– Зборувајте за ситуацијата во минато време, раскажете како сте се развивале и како сте напредувале, односно како сте ги надминале вашите слабости.
– За некои свои слабости едноставно немојте да зборувате на разговорот за работа – на пр. ако не сте тимски играч, ако тешко поднесувате критика, ако не сте многу сигурни и сл.
