„Mercedes“ ги објави фотографиите и техничките детали од купе верзијата на „S сlasѕ“. Моделот „S63 AMG Coupe“ ќе има официјална премиера на саемот во Њујорк во април 2014-та, а првите сопственици на овој автомобил ќе можат да седнат зад воланот во септември.
Иако и „стандардната“ „S сlasѕ Coupe“ изгледа многу спортски и агресивно, „S63 AMG“ за нијанса визуелно е подинамична со различен аеродинамичен преден браник.
Масивните додатоци на праговите на автомобилот и големите отвори на четирите издувни цевки позади, дополнително го зголемуваат впечатокот на моќ која се крие под хаубата на автомобилот.
„Mercedes S63 AMG Coupe“ е опремен со 19-инчни „AMG“ aлуминиумски бандажи и гуми со димензии 255/45, напред, односно 285/40, позади.
За погон е задолжен 5.5 литарски V8 би-турбо мотор со 585 ks (430 kW) кој произведува дури 900 Nm максимален вртежен момент. Во споредба со стариот „Mercedes CL 63 AMG“, неговиот наследник ќе развива 40 „коња“ и 100 Nm повеќе.
Покрај тоа, „Mercedes S63 AMG Coupe“ е полесен за 65 kg oд претходникот, чија негова снага уште повеќе доаѓа до израз.
Основната верзија со заден погон од 0 дo 100 km/h ќе пристигнува за 4.3 секунди, а максималната брзина електронски е ограничена на 250 km/h. Изборниот „4MATIC“ модел до „стотка“ стигнува за 3.9 секунди.
Моќта на тркалата се пренесува со помош на седумбрзинскиот спортски автоматски менувач, а возачот може да бира еден од трите начини: „C“ (Controlled Efficiency), „S“ (Sport) и „M“ (Manual).
Автомобилот во внатрешноста е опремен со спортски „AMG“ седишта и „Nappa“ кожна навлака.
Како и останатите неодамна претставени модели на „Mercedes“, така и „S63 AMG Coupe“ во првата година ќе биде достапен и во ограничената серија „Edition 1“, која меѓу останатото ќе има кристали на „Swarovski“ во „LED“ фаровите, ексклузивните кожни седишта, светкави „AMG“ ознаки на праговите, „Night View Assist Plus sistem“…
„Mercedes S63 AMG Coupe“ официјално пред публиката ќе биде претставен на њујоршкиот саем за автомобили во април.
Верзијата „4MATIC“ ќе може да се нарачува од април месец, а моделот со заден погон од јули месец. Првите примероци ќе им бидат испорачани на купувачите во септември.
