Францускиот производител на авиони „Airbus“ би можел наскоро од Кина да добие нарачка за дури 150 цивилни авиони со голема носивост во вредност од 14 милијарди евра.
Оваа мега нарачка е предмет на преговори на двете страни во рамките на многу пошироката програма за јакнење на трговските односи на Кина и Европа, јaвува Ројтерс, повикувајќи се на извор кој сакал да остане анонимен.
Како што наведува, се планира и „Airbus“ групацијата во Кина, покраj една постоечка, да отвори уште една фабрика.
Нарачката за која се водат преговори се однесува на моделите „А320“, „А330“ и „А350“, а се очекува и деблокирање на нарачката на 27 авиони „А330“, која властите во Пекинг неодамна ја замрзнаа поради спорот со Европската унија во врска со прашањето за животната средина.