Францускиот министер за надворешни работи Лоран Фабијус денеска изјави дека лидерите на земјите членки на Групата осум најразвиени економии во светот Г-8, го суспендираат членството на Русија во групата поради тензиите околу Украина и присуството на руски воени сили на Крим.
Останатите седум земји членки на Г-8 веќе претходно ги суспендираа подготовките на самитот на Г-8, што требаше да се одржи во јуни во рускиот град Сочи.
Фабијус во изјава за француското радио „Еуроп 1“ изјави дека во однос на Г-8 е донесена одлука за суспендирање на членството на Русија и дека е предвидено останатите седум земји, да се здружат без Русија.
ЕУ и САД вчера најавија воведување санкции против одреден број руски претставници поради постапките на официјална Москва кон Крим.