Се појавија гласини за тоа дека германски „Mercedes-Benz“ има во план да го купи „Aston Martin“.
„Mercedes“ и „Aston Martin“ веќе имаат договор за соработка кој е потпишан во јули минатата година, а се однесува на техничко партнерство со кое на „Aston Martin“ му се овозможува пристап до „AMG“ моторите. Исто така, „Mercedes“ сега стана и сопственик на 5 проценти удел во „Aston Martin“.
„Mercedes“ веќе ги најави и своите намери дополнително да го прошири партнерството меѓу двете компании со делењето на електричните компоненти, но тој договор се уште не е потпишан.
Сега се појавија информации дека „Mercedes“ сака да го купи „Aston Martin“, a шефот на „Mercedes“, Дитер Цетче не ја исклучи оваа можност, но не ја ни потврди.
