Основачот на „Microsoft“, Бил Гејтс признава дека си наликуваат со Марк Цукерберг, барем по тоа што и двајцата го напуштиле Харвард и во донесувањето на бизнис одлуки.
Во интервју за „Rolling Stone“, Гејтс сепак се запрашува дали платените 19 милијарди долари од „Facebook“ за „WhatsApp“ се оправдани.
„Сметам дека Марк може да си дозволи да каже дека ќе плати 19 милијарди долари за компанија без бизнис модел. Агресивноста му е мудра и тоа значи дека Марк сака „Facebook“ да е следниот „Facebook“. „Google“ исто така покажа интерес за компанијата, а и од „Microsoft“ би сакале да ја купат, но не и за 19 милијарди долари“, изјави Гејтс.
Ова не е прв пат во кој Бил Гејтс го става под прашање некое дело на колегата и пријател Марк Цукерберг. Само пред неколку месеци, откако основачот на социјалната мрежа ги сподели плановите да помогне во воспоставувањето на интернет пристап до милијарди луѓе, Гејтс запраша: „Хмм, што е повеќе важно – интернет или вакцината против маларија? Ако мислиш дека е односот кон интернетот – ок, но јас не мислам така“.
Цукерберг пак, во септември 2013-та година сподели дека бил Гејтс бил негов идол во детските години. Основачот на „Facebook“ е и еден од првите кои најавија дека ќе се вклучи во иницијативата на Гејтс, за да подари половина од своето богатство.
