Британско-француската компанија „Eurotunnel“, која го контролира сообраќајот во тунелот под каналот Ламанш, тројно го зголеми профитот во минатата година.
Нето-профитот на „Eurotunnel“ за минатата година достигна 101 милион евра, додека во 2012-та година тој изнесуваше 32 милиони евра.
Деловниот промет на компанијата во 2013-та година надмина една милијарда евра и изнесуваше точно 1.09 милијарди.
„Eurotunnel“ почна да стекнува профит во 2007-ма година, кога за прв пат нето заработката достигна еден милион евра, по неколку години со финансиски проблеми, кои ја доведоа компанијата до ивица на банкрот.