Германскиот поштенски и логистички гигант „Deutsche Post DHL“ е оптимистичен во поглед на заработката, по растот на профитот од минатата година за 27,5% нa 2,09 милијарди евра.
Профитот од работењето порасна за 7,4 проценти на 2,86 милијарди евра, додека приходите паднаа за 0,8 проценти на 55,08 милијарди, поради негативното влијание на девизниот курс.
„Kога ќе се исклучи влијанието на девизниот курс, приходите пораснале за скоро три проценти“, вели Извршниот директор Франк Апел.
Од компанијата истакнуваат дека се оптимистични околу заработката за оваа и идната година.
„Иако светската економија бележи слабо темпо на раст, ние очекуваме позитивни резултати во 2014-та година“, рече Апел, прогнозирајќи профит во работењето од 2,9 до 3,1 милијарди евра во оваа и од 3,35 дo 3,55 милијарди во идната година.
