Швајцарската авиокомпанија „Swiss International Air Lines“ во февруари имала 1,08 милиони патници, што е за 2,4 проценти помалку отколку во февруари 2013 година.
Вкупниот број на летови беше помал за 4,4 проценти и изнесуваше 10,592, што се должи на намалувањето на бројот на европските летови (за 5,6 проценти), додека на интернационалната мрежа е забележан раст од 4,5 проценти, соопшти „Swiss International Air Lines“, пренесува агенцијата АП.
Стапката за исполнетост на седиштата во минатиот месец е зголемена за 0,4 процентни поени, на 77,5 проценти, при што кај европските летови е забележан пад од 1,1 процентен поен, на 69,9 проценти, додека кај меѓународните летови стапката е зголемена на 80,9 проценти (+ 0,9 поени), се вели во соопштението на компанијата.