Тешко е да ја напуштите сигурноста, но работата што ве исцрпува, ви го уништува здравјето и секоја шанса за среќа. Доколку ги препознаете своите вредности, лесно ќе процените дали дошло времето за промени.
„Луѓето кои се долго без работа често ја прават класичната грешка, па наместо „уникатни“, во себе ги бараат вредностите кои им се заеднички со милиони други. Долгорочно гледано, кариерата која ќе ве исполнува се темели на оние ваши особини по кои се разликувате од другите. Затоа дајте им приоритет“, советува Даглас Б. Ричардсон, директор на консултантска групација за управување со кариери.
Кога ќе ги согледате своите таленти, полесно ќе ја препознаете и работата од соништата која секогаш ве мотивира.
Основно што треба да направите е да ги согледате сопствените вредности – што ве мотивира, но и болните искуства што ве вадат од такт.
Најмоќните мотиватори се развиваат уште во детството и длабоко се всадени во нас. Благодарение на нив се развиваат интересите.
