Европската комисија денес одлучи Франција да биде под засилен надзор поради недостатокот на конкурентност и високото ниво на долг.
Во Франција владее голема макроекономска нерамнотежа и сега е неопходен овој вид на мониторинг, се наведува во соопштението на Европската комисија.
Истата мерка ќе биде применета и за Шпанија и Ирска.
Франција, втората економија во еврозоната, се наоѓа покрај државите кои имаа големи проблеми во екот на кризата и на кои им беше потребна финансиска помош.
Во соопштението од Брисел е наведена долга листа на забелешки против Франција, како поради недостатокот на конкурентност, така и поради преголемите трошоци за работната сила и јавниот долг кој продолжува да расте, пренесува АФП.
Само Хрватска, Словенија и Италија, кои исто така имаат големи проблеми со долгот и конкурентноста, се наоѓаат во полоша ситуација од Франција, наведува Европската комисија.
