Golf Variant ја освои златната „IF“ награда за 2014 година. Наградата за високо негуван дизајн на производ му беше доделена во Минхен на Стефан Валбург, дизајнер на брендот Volkswagen. Веќе 60 години, се доделуваат наградите „IF“ за дизајн на производ, за исклучителни дизајнерски достигнување. Меѓународното жири, составено од 49 дизајнерски експерти, оценуваше повеќе од 3 200 производи во последниве недели и го награди Golf Variant во категоријата „Дизајн на транспортно средство“. Златните „IF“ награди им се доделуваат на најдобрите дизајни во вкупно 17 категории.
Во своето официјално соопштение жирито изјави: “Golf Variant има многу чист, оригинален и непогрешлив дизајн кој е значаен за брендот. Дизајнот е врвен поради тоа што не е премногу емоционален. Наместо тоа тој покажува како на еден едноставен начин можно да се постигне совршен резултат во дизајнот на производот. Автомобилот едноставно зрачи со квалитет.”
Новиот Golf Variant на пазарот во Германија се појави минатата година. Спортски и елегантен, моделот комбинира ниска потрошувачка со динамични перформанси и голема флексибилност. На пример со 605 литри багажен простор новиот модел има уште поголем простор од својот претходник. Golf Variant со тоа е совршено возило за семејни и активни луѓе, кои имаат потреба од просторен автомобил за секојдневна употреба со низа други можни. Во моделот Golf Variant се вградуваат четири бензински и три дизел мотори.
Преземете го ценовникот на новиот Golf Variant
