Албанија овој месец ќе ја добие првата транша во износ од сто милиони евра од кредитот во вредност од 330,9 милиони евра, одобрен од Меѓународниот монетарен фонд (ММФ).
Одделувањето на кредитот е во рамки на тригодишниот договор за соработка на ММФ со Албанија.
Претставник на албанското Министерство за финансии изјави дека одлуката за одделување на кредитот отвора можности за нови инвестиции од страна на домашни и странски компании во Албанија.
Се предвидува очекуваните сто милиони евра од првата транша да заминат за гаснење на долговите кон фирмите, кои реализирале јавни проекти.