Австралиската влада одлучи да ги ублажи ограничувањата во поглед на странска сопственост во авиопревозникот „Qantas“.
Според зборовите на австралискиот премиер Тони Абота, владата одлучи да го повлече законот кој спречува странските компании да имаат повеќе од 35 проценти од акциите на „Qantas“, како и било кој од странските инвеститори да има одделно повеќе од 25 проценти од акциите, пренесува агенцијата АП.
Австралиската влада, сепак, би можела да има проблеми со оваа одлука во Сенатот.
„Qantas“ минатата недела сопшти дека поради острата конкуренција во првата половина од годината забележал загуба од 235 милиони австралиски долари (211 милиони американски долари) и дека ќе бидат укинати 5.000 работни места.
