Производствените цени во Франција во јануари се намалени за 0,6 проценти, поради падот на цената на нафтата, електричната енергија и гасот, соопшти францускиот Национален институт за статистика ИНСЕЕ.
По скокот во декември, цените на нафтените деривати се намалија за 1,9 проценти, цената на струјата за 3,7 проценти, додека цените на гасот по тримесечниот последователен раст се намалија за 0,8 проценти, пренесува Ројтерс.
Цените на храната се намалени за 0,2 проценти, додека цените на „останатите индустриски производи“ се зголемени за истиот процент.
Цените на производите наменети за странските пазари се намалени за 0,2 проценти, додека увозните цени се намалени за 0,3 проценти.