Најголемата градежна компанија во Швајцарија „Implenia“ минатата година остварила рекорден нето профит во вредност од 82,6 милиони франци, што е зголемување од 7,5 проценти во однос на 2012 година.
Приходите на компанијата во 2013 година на домашниот и странскиот пазар се зголемени за 9,2 проценти на 3,057 милијарди франци, се наведува во соопштението на компанијата.
Вредноста на новите договори склучени во 2013 година е 3,3 милијарди франци, што е раст од 8,8 проценти во однос на претходната година.
Растот на профитот од работењето е зголемен за 15,7 проценти, на 36,5 милиони франци.
Работењето на оваа мултинационална компанија најуспешно беше во Норвешка. Одделението за скандинавските земји минатата година забележа раст на приходите од 46,9 проценти.
