Во Македонија во последниот каврат од минатата година природниот прираст на населението бил 1.073 лица.
Како што соопшти Државниот завод за статистика, бројот на живородени деца во четвртото тримесечје од 2013 година е 6.075 и во споредба со истиот период во 2012-та е зголемен за 3,5 отсто. Бројот на умрените лица изнесува 5.002 и бележи зголемување од 0,9 отсто. Од нив 72 се умрени доенчиња.
Според статистиката, за истиот споредбен период бројот на склучени бракови е 3.401 што е зголемување за 3,7 отсто, а разведени се 540 бракови што е, исто така во пораст.
