Социјалната мрежа „Facebook“ постигна договор за преземање на компанијата „WhatsApp“ за околу 19 милијарди долари.
Од оваа сума околу 4 милијарди ќе бидат исплатени во готово, а останатиот дел во акции во „Facebook“.
Договорот предвидува на основачите и вработените во компанијата специјализирана за праќање онлајн пораки да им бидат исплатени дополнителни три милијарди долари во акции по завршување на продажбата.
„WhatsApp“ е една од најпопуларните апликации за испраќање бесплатни пораки преку Интернет.
Таа прерасна во една од најпопуларните платформи за чет, размена на фотографии, музика и други содржини.
Достапна е речиси за сите оперативни системи и за разлика од останатите програми не прикажува реклами при користењето.
