Нето профитот на фрaнцускиот производител на цемент „Lafarge“ минатата година порасна, бидејќи побарувачката за производите на оваа компанија се зголеми.
За подобри резултати на „Lafarge“ придонесе и продажбата на активата на компанијата, додека профитот од работењето е намален поради неповолните девизни курсеви, пренесува агенцијата Франс прес.
Благoдарение на продажбата на актива, нето профитот на „Lafarge“ минатата година изнесувал 601 милион евра, што е за 65 проценти повеќе во однос на 365 милиони евра од 2012 година, но под прогнозираниот профит на аналитичарите од 644 милиони евра.
Добивката пред оданочување, камата и депресијација и амортизација (ЕБИТДА) е намалена за девет проценти на 3,1 милијарди евра, додека продажбата е намалена за четири проценти на 15,2 милијарди евра.
