Американската компанија Форд ќе пресели дел од производството на моделот Фиеста од Келн во романскиот град Крајова.
На таков потег во Форд се одлучиле со цел да ги намалат трошоците поради големите загуби, регистрирани од сериозниот пад на продажбата во Европа.
Форд минатата година во Европа забележа загуба од 1.6 милијарди долари.
Преместувањето на производството е планирано за 2017-та година и од него ќе бидат погодени околу 1.000 вработени во Келн.
Одлуката за оваа преселба главно се должи поради трошоците за плати, но и трошоците за енергија.
Форд моментално во Крајова го произведува моделот „Б-Макс“ и бензинските мотори „EkoBoost“ од еден и од 1.5 литри.