Трговскиот суфицит на Норвешка во јануари оваа година достигна 5,9 милијарди долари, што е раст за 41,8 проценти во однос на истиот месец претходната година.
Рекордниот раст на норвешкиот суфицит минатиот месец е резултат пред се на зголемувањето на извозот на нафтата за 38 проценти, соопшти Заводот за статистика, пренесува агенцијата АП.
Извозот на свеж лосос и стоката од преработувачкиот сектор во истиот месец е зголемен за 10,1 проценти. Вкупниот извоз на Норвешка во јануари е зголемен за 16,5 проценти, додека увозот е намален за 3,8 проценти.