„McLaren“ пред неколку дена најави дека на 4-ти март официјална премиера на саемот во Женева ќе има нивниот нов спортски модел наречен „650S“.
Меѓутоа денеска се појавија и првите официјални фотографии од овој автомобил, кој инаку се базира на моделот „MP4-12C“, со неколку основни детали.
Како и што се препоставуваше, „McLaren 650S“ ќе го придвижува 3.8-литарски „twin-turbo V8“ мотор, кој во склад со името на автомобилот располага со 650 „коња” (478 kW).
Во развојот на „McLaren 650“ учествуваше и Џенсон Батон, а во однос на стандардниот „12C“, овој „650S“ претрпе измени кои се однесуваат на суспензијата, аеродинамиката, кочниците, трансмисијата и гумите, додека предниот дел е според моделот на „McLaren P1“.
