Руски инвеститори се заинтересирани за купување на хрватската нафтена компанија „Ина“ и наскоро доаѓаат во Загреб на состанок со претставници на Владата, објави „Јутарњи лист“.
Русите заинтересирани за хрватската нафтена компанија „Ина“
Според весникот, Русите во Загреб би можеле да дојдат на крајот на февруари и веројатно ќе се сретнат со премиерот Зоран Милановиќ.
Засега не е познато кои руски нафтени компании се заинтересирани за купување, а одлуката за тоа ќе зависи од државната енергетска стратегија кон регионот на Југоисточнна Европа.
Ако влезат во „Ина“, Русите би го купиле уделот на унгарската компанија МОЛ од 49,1 отсто.