Американскиот претседател Барак Обама потпиша закон со кој се крева лимитот на државниот долг на САД.
Ова ќе овозможи американската Влада да зема заеми за сервисирање на разни трошоци, како што е исплата на социјална помош. Ако овој закон не беше усвоен, постоеше ризик од остар пад на берзите.
Со донесената мерка федералната влада ќе може да земе неограничени кредити до 15 март идната година. Така, барем до тогаш, се отстранува ризикот најголемата економија во светот САД, да падне во состојба на неликвидност.
Технички таванот на државниот долг на САД е фиксиран на 17 трилиони и 211 милијарди долари, но тоа нема да важи до 15 март 2015 година.
