Наспроти падот на чешката економија минатата година за 1,1 проценти, предвидувањата на Заводот за статистика за меѓуквартален пораст на Бруто домашниот производ (БДП) за 1,6 проценти ги изненади економските експерти.
Како што јави дописникот на МИА од Прага, според објавените прелиминарни резултати, порастот се должи на зголемената трговија со транспортна опрема и машини како и поголем извоз.
– Растот на чешката економија во четвртиот квартал е речиси сигурно дека ќе биде најбрз во Европа, коментира аналитичарот Вацлав Франче.
