Државната ревизорска институција на Франција смета дека таа земја тешко може да ги исполни преземените обврски во поглед на намалување на буџетскиот дефицит за оваа година.
Во извештајот на оваа институција се наведува дека за остварување на целта за намалување на буџетскиот дефицит за 2014 година на 4,1 проценти од БДП недостасуваат околу три до шест милијарди евра, пренесува агенцијата АП.
Годишниот извештај на Државната ревизорска институција ја загрижи француската влада која се обврза дека буџетскиот дефицит за оваа година ќе го намали на 4,1 проценти, а наредната на три проценти од БДП.
Во извештајот се додава дека без оглед на предвиденото зголемување на даноците, просторот за намалување на буџетскиот дефицит ќе биде ограничен. Јавната потрошувачка во изминатата година, како што се наведува, е зголемена за 1,7 проценти наместо предвидените 0,9 проценти.