Откако стана првата жена на чело на автомобилска компанија, Мери Бара оваа година ќе забележи уште еден рекорд.
Имено, нејзината годишна плата во „General Motors“ ќе изнесува 14.4 милиони долари, што е дури за 60 проценти поголем износ од нејзиниот претходник Ден Ејкерсон, јавува „Huffington Post“. Овој износ ќе и биде исплатен во готовина и низ акции во компанијата, а не ги вклучува и 10-те милиони од долгорочниот компензациски план.
„Мери како нова директорка ќе добие надоместок кој е во склад со заработката на нејзините колеги и кој е пондериран“, вели претседателот на „GM“, Тим Солсо.
