Во Пехчево ќе биде пуштен во употреба нов филтер во пречистителната станица, променет во рамки на „Итните акции“ од Проектот на УСАИД за општински стратегии за климатски промени, кои во осум македонски општини ги спроведува „Милиеуконтакт Македонија“.
Отворањето на новиот филтер е во соработка со Центарот за лековити билки и шумски плодови „Амброзија“ од Пехчево и Општина Пехчево, каде што денеска ќе биде одржана и втора јавна расправа за нацрт-стратегијата за климатски промени, изработена во рамки на проектот.
Проектот на УСАИД за општински стратегии за климатски промени, спроведуван од „Милиеуконтакт Македонија“, е двегодишна иницијатива за подготвеност на општините како да се справат со климатските промени.
Користејќи иновативна методологија наречена „Зелена агенда“, проектот има цел да ги собере граѓанските организации, граѓаните, како и органите на општините за развој на стратегии базирани на консензус и акциски планови за решавање на климатските промени и ублажување на нивните ефекти.
