Руските влaсти издадоа предупредување во кое наведуваат дека биткоинот често се користи за перење пари и финансирање на тероризам, и дека како таков станал паралелна валута – што во таа земја се смета за илегално.
Од Канцеларијата на државниот обвинител е соопштено дека користењето на биткоинот како алтернативна валута од страна на руските приватни лица и компании ќе се смета за илегално, бидејќи во Русија единствена валидна валута е рубљата.
Со користењето на биткоин, се наведува во соопштението, поединци или организации можат многу лесно да бидат вовлечени во илегални активности. Токму поради тоа, државниот обвинител во соработка со централната банка работи на заострување на законските регулативи кои се занимаваат со проблематиката за користење на виртуелни и алтернативни валути на територијата на Русија.