Академијата за судии и јавни обвинители денеска организира советување на тема „Можни спорови во врска со искористувањето на ИПАРД фондовите“.
Советувањето е наменето за судиите и советниците од Вишиот управен суд, Управниот суд, како и од одделите за трговски спорови и граѓанските оддели на судовите од сите апелациски подрачја, за претставници на Државното правобранителство на Република Македонија и Агенцијата за финансиска поддршка во земјоделството и руралниот развој.
Советувањето ќе го отворат директорите на Академијата за судии и јавни обвинители и на Агенцијата за финансиска поддршка во земјоделството и руралниот развој, Анета Арнаудовска и Тони Димовски.
Директорите на двете институции ќе потпишат и меморандум за соработка.