„ArcelorMittal“ најголемиот светски производител на челик, поттикнат од силната продажба во САД и Европа прогнозира поголем профит во оваа година.
И покрај прогнозите за бавната продажба во Кина и Бразил, извршниот директор на компанијата Лакшми Митал вели дека е „внимателно оптимистичен“ за 2014 година.
„ArcelorMittal“ произведува повеќе од пет проценти од светскиот челик.
Компанијата соопшти дека капиталните расходи ќе се зголемат во 2014 година.
Градежниот сектор е најголем корисник на челик и економските истражувања сугерираат дека градежните активности ќе се зголемат, особено во САД.
-Подобрувањето на вкупната економска ситуација ќе не доведе до рестартирање на некои одделни проекти за раст на челикот, вели Лакшми Митал.
Акциите на „ArcelorMittal“, кој е сместен во Луксембург и работи во 60 земји во светот, пораснаа за четири проценти.
