Извршната директорка на Џенерал Моторс управува компанија со повеќе од 212.000 вработени во 396 објекти на шест континенти.
Новата главна извршна директорка на Џенерал моторс – Mary Barra, се најде на врвот на листата на најмоќни жени во глобалниот бизнис, составена од страна на американскиот бизнис магазин Fortune.
Barra стана извршна директорка на најголемиот американски производител на автомобили во средината на јануари, а истовремено стана и првата жена на чело на некоја автокомпанија, со која традиционално доминираат мажите, објави агенцијата АП.
„Barra не е тип на шеф кој би помислил дека ќе се најде на нашата листа, особено не на врвот, но таа го заслужи тоа заради нејзиното мало его и храброст да ги менува работите“, пишува списанието.
Како директорка на Џенерал Моторс, Barra (52) управува компанија со повеќе од 212.000 вработени во 396 објекти на шест континенти.
Американки на врвот на листата
На листата на 50 највлијателни жени во бизнисот се главно директорки кои управуваат со меѓународни компании.
Американските жени заземаат осум од првите десет позиции на листата.
Зад Mary Barra следуваат:
Ginni Rometty ( 56 ), претседател и извршен директор на технолошкиот гигант IBM
Indra Nooyi, извршниот директор на Pepsi
Maria das Graças Silva Foster (60), претседател на бразилскиот нафтен гигант Petrobras
Ellen Kullman ( 58 ) од DuPont
Irene Rosenfeld ( 60 ) од Mondelez International
Marillyn Hewson ( 60 ) од Lockheed Martin
Meg Whitman ( 57 ) од Hewlett-Packard
Patricia Woertz од Archer Daniels Midland
Gail Kelly ( 57 ), претседател на австралиската банка Westpak